Jake Zyrus NO SHOW Pa Rin Sa Kabila ng Pagpanaw ng Lola At Tiyuhin. Raquel Pempengco, Nanawagan!

Tila isa na namang pagsubok ang kinakaharap ng ina ni Jake Zyrus na si Raquel Pempengco.

Sa kasalukuyan ay nagluluksa si Raquel sa pagpanaw ng kanilang inang si Tes Pineda Relucio noong April 3, 2022. Ayon sa balita ay hindi na ito nagising at binawian na ng buhay sa kanilang tahanan.

Wala pang isang linggo ang nakakalipas sa pagpanaw ng kanilang Lola Tess ay binawian naman ng buhay ang brother ni Raquel na si Robert Pineda Relucio. Ayon sa balita ay pumanaw ito dahil sa isang motorcyce accident sa Lopez, Quezon.

Mismong si Raquel ang nagparating ng malungkot na balita sa mga press at ang mas ikinalungkot nito ay ang pagiging missing in action ni Jake Zyrus sa kabila nang kaalaman nito sa sinapit ng kanilang pamilya.

“Wala pang paramdam si Charice hanggang ngayon. Need ko talaga ngayon ang tulong.

“Namatay naman ang kapatid ko na nagbabantay sa nanay ko. Kaninang umaga lang siya namatay,” pahayag ni Raquel sa PEP.ph.

Tila nagmamakaawang nanawagan si Raquel kay Jake Zyrus na magpa-abot ng tulong. “Tulungan niya sana ako at hindi ko kakayanin. Ako lang ang inaasahan ng pamilya ko.”

Sa kasalukuyan ay nasa America si Jake Zyrus at ayon kay Raquel ay matagal-tagal na ring hindi nakikipagusap sa kanila ang singer.

Hindi maitatanggi ni Raquel na talaga namang napakahirap ng kanilang buhay sa ngayon dahil na rin sa matinding epekto ng pandemiyang dulot ng coronavirus sa kanilang kabuhayan.

Nahihiya man na manawagan at humingi ng tulong ay naglakas loob pa ring lumapit si Raquel sa mga taong may mabubuting kalooban na magpaabot ng tulong sa kanila sa pamamagitan ng Gcash.

Ayon kay Raquel ay magpahanggang sa ngayon ay hindi pa naipapacremate ang labi ng kanilang ina dahil sa kakulangan sa pera.

“Kulang pa ang pera ko na pang-cremate [para kay Nanay], tapos eto, sumunod naman ang kuya ko,” pahayag ni Raquel.

Para naman sa mga nais magpaabot ng tulong, maaaring magsend ng financial assistance sa Gcash number na ito: 09956497143

The post Jake Zyrus NO SHOW Pa Rin Sa Kabila ng Pagpanaw ng Lola At Tiyuhin. Raquel Pempengco, Nanawagan! appeared first on Sasafeed.

Source: Sasa Feed