Sa panahon ngayon, hindi biro ang hanapbuhay ng mga delivery riders. Sa kalagitnaan ng pandemya, tinataya nila ang buhay nila para lamang kumita. Ngunit ang masaklap pa dito, hindi lahat ng tao ay naa-appreciate ang kanilang mga sakripisyo at paghihirap. Sa katunayan, mayroon pang mga masasama ang loob na nananamantala sa mga riders.
Sa kabila ng ito, marami pa ring mga magagandang loob ang naiintindihan ang hirap ng isang delivery rider. Kabilang na sa kanila ang comedic tandem na sina Super Tekla at Donita Nose. Kilala ang duo na ito sa kanilang pagpapatawa sa telebisyon at social media, ngunit saksi rin ang mga netizens sa kabutihang loob nila.
Kamakailan lang, naghanda ng simpleng surprise si Donita at Tekla sa mga delivery riders. Sa kanilang vlog, ibinahagi ng dalawa na ramdam nila ang hirap na dinaranas ng mga riders para lamang kumita. Kaya naman sa pamamagitan ng surprise nila, umaasa silang maiibsan kahit papano ang hirap ng mga ito.
Sa kanilang vlog, umorder sila Donita at Tekla ng mga pagkain. Napagkasunduan nila na kapag nakilala sila ng rider at kapag magalang ito, bibigyan nila ito ng bonggang tip! Tig-iisang libo ang inaabot nila sa mga maseswerteng rider na nagdedeliver ng pagkain sa lugar nila.
Inirecord rin nila para sa kanilang vlog ang reaksyon ng mga riders. Marami ang hindi makapaniwala matapos abutan ng cash! Labis-labis rin ang pasasalamat nila kila Tekla at Donita dahil sa maagang pamaskong ito. Talagang malaking tulong ito para sa kanilang panggastos.
Sa kabilang banda, maraming netizens naman ang talagang na-touch sa surprise na ito nila Tekla at Donita. Sa panahon ngayon, talagang nakaka-inspire makita na maraming tao pa rin ang maganda ang pakikitungo sa kapwa nila.
Read More: Dating Batikan na Aktor Ginulat ang mga Fans Matapos ang Biglaang Pagkawala
Ano ang masasabi mo sa kwentong ito? Ibahagi lamang ang inyong opinyon o parehong karanasan sa comments section sa ibaba. Para sa iba pang latest na balita o viral na kwento, wag mag atubiling mag like o mag follow sa aming Facebook page.
The post Delivery Riders, Nagulat sa Pagtrato sa Kanila ni Super Tekla at Donita Nose Matapos Nilang Gawin Ito appeared first on Sasafeed.
Source: Sasa Feed
0 Comments