Isa si Herlene Budol, o mas kilala bilang ‘Hipon Girl,’ sa mga pinakahinahangaang hosts sa programang “Wowowin.” Dati ay isang contestant lamang si Herlene sa show, ngunit nakita ni Kuya Wil ang kanyang potensyal at na-impress ito! Dahil dito, nagbigay daan ang kanyang guesting upang maging isang regular host siya ng game show. Mabilis ring nakuha ni Herlene ang loob ng mga viewers dahil sa kanyang kalog na personality.
Dahil sa kanyang pagsusumikap, unti-unti na ring nakakapagpundar si Herlene. Sa isang interview, ibinahagi ni Hipon Girl na dati pa man ay pinangarap niya na talaga ang magkaroon ng sariling negosyo.
Kaya naman nang magsimula siyang magtrabaho, nag-ipon siya para sa kanyang business.
Noong Agosto 2020 lamang ay ipinasilip ni Herlene ang kanyang negosyo sa social media. Ito ay matatagpuan sa Angono, Rizal. Ang “Herlene’s Clothing” ay isang boutique na nagtitinda ng mga ready-to-wear na outfit. Ayon kay Herlene, pinili niya talaga ang negosyong ito dahil mahilig rin siya sa mga damit.
“Walang nag uumpisa sa malaki agad. Parang ikaw nung bata ka inalagaan at ginabayan ka ng magulang mo para lumaki ka ng kung ano ka ngayon. So magiging mabuti akong magulang para sa business ko. Wag kang mang small ng iba, baka mas lakihan ka pa niyan. Tiyaga lang girl, step by step wag ka mawalan ng pag-asa.”
Minsan naman ay biniro ni Kuya Wil si Herlene na gawing prayoridad na lamang ang kanyang pag-aaral. Ayon sa host, mukhang mas makakabuti para kay Herlene at lisanin muna ang kanyang hosting job sa “Wowowin” at mag-focus sa kanyang edukasyon. Ayon naman kay Herlene, kayang-kaya niyang pagsabayin ang dalawa dahil sanay na siya sa mga challenge.
“15 years old pa lang ako, nagta-trabaho na ako. Dito lang ako masaya. Ayoko nang utus-utusan ako ng mga tao tapos sisigawan pa ako,” pahayag ni Herlene. Hindi rin lingid sa kaalaman ng mga fans na dati nang kumakayod si Herlene, bago pa man siya sumikat sa “Wowowin.”
Read also: Angel Locsin, Masayang Ipinagdiwang ang Ika-94 na Kaarawan ng Kanyang Daddy Angelo
Ano ang masasabi mo sa kwentong ito? I-share lamang ang inyong opinyon o parehong karanasan sa comments section sa ibaba. Para sa iba pang latest na balita at viral na kwento, wag mag atubiling mag follow sa aming Facebook page.
The post Herlene ‘Hipon Girl,’ Isang Negosyante na! Proud na Ipinasilip ang Kanyang Munting Negosyo na Bunga ng Kanyang Pagsisikap sa Showbiz! appeared first on Sasafeed.
Source: Sasa Feed
0 Comments