Kilala rin si Coco Martin sa pagiging galante nito, kaya naman tuwing may nireregaluhan ito, talaga namang all out kung mag surprise ang aktor! Hindi rin tinitignan ni Coco ang presyo ng regalo niya, dahil ang mahalaga sa kanya ay mapasaya ang taong pagbibigyan niya. Isa na sa kanila ay si Angelica Panganiban, na kamakailan lang ay nakatanggap ng espesyal na regalo mula sa aktor.
Talaga namang na-touch ang 34-anyos na aktres matapos makatanggap ng bonggang regalo mula kay Coco. Sa isang behind-the-scene videos na ibinahagi sa ABS-CBN, makikitang labis na nasorpresa si Angge matapos iabot sa kanya ni Coco ang regalo nito! Ayon kay Coco, umaasa siyang magugustuhan ni Angge ang regalong ito.
Makikita sa video na isang dinnerware set ang iniregalo ni Coco. Ngunit hindi lang ito basta-basta, dahil Gucci ang tatak ng kanyang regalo! Magkahalong gulat at tuwa naman ang naramdaman ni Angelica, na nagawa pang ikumpara ang regalo niya kay Coco. Ayon kay Angelica, cupcake lamang ang dala niya para sa aktor.
“Diyos ko, ano to? Cupcake lang yung binigay ko! Baka may kapalit to ah? Hindi pwede ngayon! Wala akong masabi. I deserve this, gagalingan ko po sa pelikulang ito,” pabirong sabi ni Angelica.
Mukhang hindi rin basta basta ang regalo ni Coco para sa kanyang bagong leading lady. Bukod sa isang luxury brand ang napili niyang iregalo kay Angelica, hindi rin ito basta basta nabibili sa mga stores, dahil ayon mismo sa official website ng Gucci, ito ay isang ‘made to order’ na item na kailangang i-order ng advance.
Ayon pa sa report ng ABS-CBN, ang isang plato na ipinakita ni Angelica na mayroong cat print ay nagkakahalaga ng $310, o Php 15,000 sa website ng Gucci. Marami pa itong kapares na plato at dinnerware, ngunit hindi na ito naipakita ni Angge sa camera.
Magiging on-screen partners si Angge at Coco sa kanilang upcoming movie na “Love or Money,” kung saan pagbibidahan nila ang role ng magkasintahan na naghiwalay at muling nagtagpo ng landas. Maraming fans ang excited na na panoorin ang latest project ng dalawa, lalo pa’t matagal na rin simula nang magbalik sa blockbuster hits si Angelica.
Ano ang masasabi mo sa kwentong ito? I share lamang ang inyong opinyon o parehong karanasan sa comments section sa ibaba. Para sa iba pang latest na balita at viral na kwento, wag mag atubiling mag follow sa aming Facebook page.
The post “Baka may kapalit ah?”- Angelica Panganiban, Kinabahan Matapos Makita ang Mamahaling Regalo sa Kanya ni Coco! appeared first on Sasafeed.
Source: Sasa Feed
0 Comments