Isa si DJ Loonyo sa mga sumikat na social media influencers noong 2020. Si DJ Loonyo, o mas kilala sa totoong buhay nilang Rhemuel Lunio, ay sumikat sa TikTok dahil sa kanyang mga nakakamanghang dance videos. Maraming babaeng fans ang nahumaling dahil sa taglay na charm nito, at di nagtagal ay umabot na sa milyon ang followers nito sa TikTok at Facebook.
Ngunit sa kabila ng mga ngiti ni DJ Loonyo, alam niyo ba na may iniinda rin itong pagsubok? Ayon kay Loonyo, matapos pumanaw ang kanyang ama, nalubog sila sa utang dahil pinagamot nila ito. Ito rin ang nag-udyok sa kanya na magtrabaho at magsikap upang mabigyan ng mas magandang buhay ang kanyang pamilya.
Read More: Ito Pala ang Mangyayari sa Kalusugan Mo Kapag Nagsuot ka ng Medyas sa Gabi!
Ayon kay Loonyo, sadyang malapit siya sa kanyang kamag-anak, lalong-lalo na sa ina niya. Sila rin ang ginagamit niyang inspirasyon upang lalong magsikap. At kamakailan lang, natupad naman ni Loonyo ang pangarap niyang ito! Proud na proud niyang ipinasilip sa kanyang mga fans ang kanyang naipundar.
Dahil sa kanyang kasipagan, nakapagpagawa ng bahay si Loonyo para sa kanyang pamilya. Bukod pa dito, nakapagbukas rin sila ng lechon manok business upang may pangtustos ang kanyang nanay. Ayon kay Loonyo, malaki rin ang pasasalamat niya sa mga fans na sumuporta sa kanya mula simula.
“Eto yung naging hugot ko last year at sa awa ng DIYOS, biniyayaan niya ako ng platform at responsibilidad as DJ LOONYO na ngabibigay tuwa at saya simula last year dahil sa mga dance challenges na ginawa ko sa China,” pahayag ni Loonyo sa Facebook.
Sa kabilang banda, maraming fans naman ang natuwa at na-inspire sa bagong achievement na ito ni Loonyo. Talagang nakakatuwang makita na nagsusumikap siya hindi lamang para sa kanyang sarili, kundi para na rin sa kanyang mga mahal sa buhay.
Ano ang masasabi mo sa kwentong ito? Ibahagi lamang ang inyong opinyon o parehong karanasan sa comments section sa ibaba. Para sa iba pang latest na balita at viral na kwento, wag mag atubiling mag like o mag follow sa aming Facebook page.
The post DJ Loonyo, Nagsumikap Upang Makapagpundar ng Bahay at Negosyo Para sa Kanyang Ina appeared first on Sasafeed.
Source: Sasa Feed
0 Comments