Sa kalagitnaan ng ABS-CBN shutdown, maraming Kapamilya stars ang lumipat sa iba’t-ibang network upang magkaroon ng projects. Kabilang na sa kanila ay si Mr. Johnny Manahan, isa sa mga pinakakinikilalang starbuilder sa industriya ng showbiz. Dating comedian si Mr. M, pero mas nakilala siya bilang isang batikang direktor ng mga programa, tulad na lamang ng “ASAP Natin ‘To.”
Kamakailan lamang ay inianunsyo ni Mr. M na mamamaalam na siya sa kanyang home network upang lumipat sa TV 5. Ayon sa batikang direktor, ito na marahil ang pinakamahirap na desisyon na nagawa niya sa kanyang career.
Buong puso naman siyang tinanggap ng TV 5, ngunit ilang buwan lamang ay tuluyan nang tinanggal ang weekly noontime niya sa bagong network.
Gayunpaman, may bagong offer na natanggap si Mr. M mula kay Willie Revillame. May history na ang dalawa matapos silang maging magkatrabaho sa “Wowowin” ng halos limang taon.
Ayon kay Willie, bukas ang kanilang programa upang muling maka-trabaho ang isang batikang direktor na gaya ni Mr. M.
“Bago ang lahat, gusto ko lang batiin ang isa sa mga taong nirerespeto ko. One of the pillars, of course, dito sa Philippine television. Naging direktor ko po sa Wowowee, starbuilder, respetado, he’s a dignified man. Ito ho, sana makasama kita muli, Direk. Napakalaki ng respeto ko sayo,” ayon kay Willie.
Ibinahagi rin ni Willie na malaki ang utang na loob niya kay Mr. M para sa kanyang successful career. Noong una pa lamang daw ay supportive na ito sa kanyang career, kaya naman gusto niyang tumanaw ng utang na loob dito at makatrabaho itong muli sa kanyang programa.
“So anyway, Direk, sobrang mahal ka namin. The door is open. Direk I need you, we need you here. Kailangan ko ng isang direktor na katulad mo para maturuan kami dito. Direk, halika na rito, samahan mo na kami rito, Mr. Johnny Manahan,” pahayag ni Willie.
Anong masasabi niyo sa kwentong ito? I-share lamang ang inyong opinyon o parehong karanasan sa comments section sa baba. Para sa iba pang viral na kwento o balita, wag mag atubiling mag-like o follow sa aming Facebook page.
The post Batikang Direktor Mr. M, Niyaya ni Kuya Wil na Lumipat sa Wowowin! “Direk, halika na, samahan mo na kami rito “ appeared first on Sasafeed.
Source: Sasa Feed
0 Comments