Angel Locsin Sinagot Ang Taong Nanglalait Tungkol Sa Pagtaba Niya!

Nabigyan ng pagkakataon ang talent manager na si Ogie Diaz na makapanayam ang aktres na si Angel Locsin sa kaniyang YouTube channel.

Sa pamamagitan ng YouTube vlog na ito ay nagkaroon ng pagkakataon ang dalawa na mag catch up sa kani kanilang buhay sa showbiz.

Isa sa mga naging mainit na topic ng kanilang chimisan ay ang mga basers ni Angel Locsin.

Kamakailan lamang ay nag-viral ang mga larawan ni Angel Locsin sa social media matapos mapansin ng netizens ang tila ‘paglobo’ ng katawan nito.

“I’m acknowledging. Yes, malaki ako. Eh ano naman ngayon? Bakit? may kawalan ba?” Matapang na pahayag ng aktres.

Dagdag pa ng aktres ay minsan kung sino pa ang mga malalakas manglait ay sila pang kapuna puna.

“Minsan kung makalait pa yung iba, tinitignan ko pa yung profile picture, ‘Excuse me naman sayo ha!’” pagpapatuloy ni Angel.

Dahil sa isyung ito ay hindi maiwasan ni Ogie Diaz na tanungin ang aktres kung sinusubukan ba nitong magpapayat.

“I’m trying but I’m not trying my best. I don’t really care.

“I’m Angel Locsin. Na-develop ko yung sarili ko nang kung ano man ako ngayon. I don’t really care,” sagot ng aktres.

Dagdag pa ni Darna ay wala siyang pakialam sa sasabihin at opinyon ng mga tao tungkol sa kaniyang pangangatawan.

“Okay ako eh. Ang ganda ko sa paningin ng asawa ko. Darating din tayo diyan, kung papayat ka, papayat ka, but it’s not an issue.

“Ang pagiging Angel Locsin ko ay hindi nasusukat kung gaano ako kabigat. Alam ko ang dami kong na-prove sa sarili ko, sa ibang tao.” pagdidin ng aktres.

Bukod pa rito ay sinabi rin ng aktres na okay na siya sa bagay na ‘yun at hindi na niya iniintindi ang sinasabi ng mga tao.

Hindi naman maikakailang walang kailangang patunayan ang aktres na si Angel Locsin lalo na’t kung ang mga patutsada ay tungkol sa kaniyang pangangatawan sapagkat ilang ulit na itong binansagang sexiest woman ng FHM Philippines. Bukod pa rito ay hindi lamang maganda si Angel Locsin, mabuti rin itong tao at talaga namang napakahusay na aktres.

Sa katunayan, ano man ang sakuna ay siguradong makikita mo si Angel Locsin upang magpadala ng tulong.

The post Angel Locsin Sinagot Ang Taong Nanglalait Tungkol Sa Pagtaba Niya! appeared first on Sasafeed.

Source: Sasa Feed